މިއީ އުމުރުން ދުވަސްވީ މީހުންގެ ތެރެއިން ދާންމަތިވެފައިވާ ފަރާތްތަކަށް ބޭނުންވާ ޞިއްޙީ ޚިދުމަތްތައް ފަސޭހަކަމާއެކު ފޯރުކޮށްދެވޭނެ އިންތިޒާމް ހަމަޖައްސައި، އެފަރާތްތަކަށާއި، އެފަރާތްތަކުގެ ޢާއިލާތަކަށް ބޭނުންވާ އެހީތެރިކަމާއި، އިޖްތިމާޢީ ޚިދުމަތްތައް ފޯރުކޮށްދިނުމުގެ މަޤްޞަދުގައި ޞިއްޙީ ވުޒާރާއާއި، މި ވުޒާރާގުޅިގެން ކުރިއަށްގެންދާ ޚާއްޞަ ޕްރޮގްރާމެކެވެ.

ދާންމަތި ފަރުވާ ޕްރޮގްރާމްގެ ދަށުން ފޯރުކޮށްދެވޭ ހިދުމަތްތަކުގެ ތެރޭގައި ސިއްހީ އަދި އިޖްތިމާއީ ގިނަ ހިދުމަތްތަކެއް ހިމެނެއެވެ. އެގޮތުން:

ސިއްހީ ހިދުމަތްތައް

ގޭގައި ތިބެގެން ލިބޭ ސިއްހީ ފަރުވާގެ ތެރޭގައި ޑޮކްޓަރީ ބެލުމާއި، ނަރުހުންގެ ފަރުވާ އަދި ފިޒިއޮތެރަޕީ ފަދަ ހިދުމަތްތައް ހިމެނެއެވެ. މިގޮތުން ކޮންމެ ފަރާތަކަށްވެސް ހާއްސަ މެޑިކަލް ޓީމެއް ކަނޑައެޅި، އެ ޓީމުން ގަވާއިދުން ގެއަށް ޒިޔާރަތްކޮށް ބޭނުންވާ ފަރުވާ ފޯރުކޮށްދެވޭނެއެވެ.

އިޖްތިމާއީ ހިދުމަތްތައް

ބަލިމީހާއަށް އަދި އާއިލާއަށް ބޭނުންވާ ނަފްސާނީ އަދި އިޖްތިމާއީ އެހީތެރިކަން ފޯރުކޮށްދިނުމުގެ ގޮތުން ކައުންސެލިންގ ހިދުމަތާއި، އިޖްތިމާއީ ހިދުމަތްތެރިންގެ އެހީތެރިކަން ލިބިގެންދާނެއެވެ. މީގެ އިތުރުން، އާއިލާއަށް ބޭނުންވާ ތަމްރީނާއި މައުލޫމާތު ފޯރުކޮށްދެވޭނެއެވެ.