ދައުލަތުގެ ބެލުމުގެ ދަށުގައި ތިބޭ ކުދިން

ދައުލަތުގެ ބެލުމުގެ ދަށުގައި ތިބޭ ކުދިންނަކީ، އާއިލާއާ އެކު ރައްކާތެރި މާޙައުލެއްގައި ދިރިއުޅުމުގެ ފުރުޞަތު އެކި ސަބަބުތަކާ ހުރެ ގެއްލިފައިވާ ކުދިންނެވެ. މިފަދަ ހާލަތްތަކުގައި، އެކުދިންގެ ޙައްޤުތައް ރައްކާތެރިކޮށް، ދުޅަހެޔޮކަމާއި ކުރިއެރުން ކަށަވަރުކުރުމުގެ ޒިންމާ ނަގަނީ ދައުލަތުންނެވެ.

އަޅުގަނޑުމެންގެ އެންމެ އިސް އަމާޒަކީ، ކޮންމެ ކަމެއްގައި ވެސް ކުއްޖާގެ އެންމެ މަތީ މަޞްލަޙަތަށް އިސްކަންދިނުމެވެ. މީގެ ތެރޭގައި ގެއްލުމާއި ނުރައްކާތަކުން ކުދިން ސަލާމަތްކުރުމާއި، އެކުދިންނަށް ބޭނުންވާ ނަފްސާނީ އަދި ޖިސްމާނީ ހަމަޖެހުން ހޯދައިދިނުމާއި، މުޖުތަމަޢުގައި ފައިދާހުރި، ޤާބިލު ފަރުދުންގެ ގޮތުގައި އެކުދިން ބޮޑުކުރުމަށް އެހީތެރިވުން ހިމެނެއެވެ.

އާއިލާތަކާއި، ބެލެނިވެރިންނާއި، ކަމާބެހޭ އިދާރާތަކާއި އަދި މުޖުތަމަޢުގެ އެންމެހައި ފަރުދުންނާ ގުޅިގެން މަސައްކަތްކޮށް، ދައުލަތުގެ ބެލުމުގެ ދަށުގައި ތިބި ކޮންމެ ކުއްޖަކަށް ވެސް ރައްކާތެރި، އޯގާތެރި އަދި އެންމެން ޝާމިލުވާފަދަ މާޙައުލެއް ބިނާކޮށްދިނުމަކީ އަޅުގަނޑުމެންގެ އަމާޒެވެ.